Bearzi

Spieli dai timps

alberi.jpgSpieli dai timps di vuê che un om di 38 agns e cuatri fruts nol cjati lavôr e al vedi di presentâsi in vendite sul sît di e-bay. Une cierte part e je di sigûr voie di esibizion. «No ai nuie ce pierdi » al à pandût. Forsit la dignitât di pierdi ise migoL’ultin dai soi fruts al à nome un mês. «Al è par chel pene nassût e par chei altris trê che o ai decidût di metimi in vendite, e o soi pront a fâ cualsisei robe». Cualsisei ce, in ce sens, ce intindial?

Cuant che al mostre di restâ, o si meravee de ilaritât che il sô câs al à jevât te opinion de int al samee colâ madûr dal morâr. Ce pensavistu, che a nissun i fos strani che un om di 38 agns e cuatri fruts al fasès mercimoni di se stes?
Come a platâsi al zonte: «O intint ufrî la mê esperience», sigûr che ducj a àn pensât a chê, a la tô grande esperience!
La sô famee no se passe masse mâl tai Caraibi e al à une fie vude cuntune altre femine in Venezuela. La femine di cumò, Karen, di sîs agns plui zovine di lui e ven de Colombie.
Al conte di jessi scjampât dal sô paîs par vie de clime di violence: «Chel paîs nol è bon par me e o soi vignût fin ca a cirî fortune». No samee che al vedi vudis masse ufiertis. Mario, cussì al si clame, o i domandi, come che al podès sintîmi, âstu studâts ducj i toi siums?

E ca o mi tachi cun 95 zovins che invezit a àn dât aiar ai lôr siums.
Chel che al capite intun sium al cole intune dimension cence un spazi e un timp misurât e che al dopre sclesis di ce che si vîf. Nancje i pinsîrs o lis emozions si puedin palpâ epûr a son e al è vonde par sintîju impuartants. Il vê fat chê esperience pai zovins grafics e je vonde par provâ a meti ju une rapresentazion di chel sium, sedi che a cjalin a ricuarts o al mont, al dì di vuê o al timp che al vignarà. Cjalant però, tai lôr siums, di meti mans a la realtât, par gambiâle o al mancul par mostrâ ce che ur mancje.
Se o passait par place Libertât a Udin, sot sere, si viodin i lôrs siums rimpinâsi su pal mûr, une proiezion su pe Loze dal Lionel. Si puedin viodi dutis lis seris das 6 as 8 (fintremai ai 22 di fevrâr). Par 95 zovins che a àn il sium di viodi un doman di fâ un lavôr creatîf .

http://furlan.splinder.com

facebook

Lascia un commento

599