Vino dibisugne di plui informazion?

giornali.jpgSi po discori sul fat che ca in Friûl o vedin bisugne di informazion. Par me a no nd’ è mai vonde, soredut se e je difarente. Il tipic furlan zovin o vecjo par savê ce fâ la sere o ce che al è capitât ator al lei il Messaggero o al da une voglade al Gazetin. Cuntune orele si scolte la radio, forsit plui chês locâls che no la Rai.Dut câs chest fin îr, di cumò indenant e sarà une pussibilitât di plui. Un gnûf cuotidian, Epolis Friuli si cjate ator. Si ator e no in edicule e cun di plui sore nuie, a gratis. Cemût fasino? Cun 12 pagjinis plenis e ancjetant a un tierç di publicitât. A son 48 pagjinis in dut. Che tocjin il Friûl, tal prin numar vuê ai 23 di fevrâr in distribuzion, a son 4 pagjinis di cronache e culumie e sîs di sport cul Udin in prin plan. Il dut cuinçât di meteo, cine e une cuviertine intrigante.Une prime cjalade a la sezion nazionâl samee mostrâ une cualitât buine. Lis pagjinutis locâls a son pôc plui che une autopromozion e o spietin par dâ un judizi sec. Clâr che incrosâ la stampe a gratis cu la cualitât e je une scomesse che merte di jessi vinçude. I coments publicâts a son di gjonde dal prin citadin Honsell (une stampe libare no cognòs cjaristie), di stice dal president de provincie Fontanin (mi auguri che a no sedin ancje lôr dai “trombons”), une ombre di spiete le pon il president de Regjon Tondo (viodarìn se nus jude a lei miôr la realtât).Di mieç e je chê vecje volp di Fabio Folisi, che rivât ai cincuante, al samee vê la sô ocasion di fâ biele figure. La redazion e met lis mans denant: “Nus disaran che o vin masse ambizion, nus disaran che no vin lidrîs tal teritori. O sin furlans e varin la ocasion di dimostrâlu tai fats.”http://furlan.splinder.com/ 

facebook
478